Vazhdim i farsës për një drejtësi të kapur, e ka cilësuar nënkryetari i LSI, Petrit Vasili, ndryshimin Kushtetues, për zgjatjen e afateve të organeve të Vetting, të cilat pritet të miratohen në Kuvend me votat e PS dhe deputetëve që janë në krah të Lulzim Bashës.
I pyetur nga mediat lidhur me qëndrimin e LSI, Vasili tha “para pak minutash keni përcjellë gallatën e Edi Ramës ku qytetarët e ndershëm do të gjejne drejtësinë pas këtyre grabitësve”.
“Krimi shumë rëndë që ka ndodhur ku drejtësia ka mbyllur sytë përballë fallsifikimeve të provave nga Kuvendi që depozitohen në Kushtetuese, ndërkohë që SPAK sot duhej të ishte këtu dhe të hetonte. Por sot diskutohet edhe vettingu. Drejtësia është e kapur me regji të Ramës”, tha Vasili.
