Trupi i pajetë i aktorit të njohur, Bob Saget, u gjet më 9 janar në një hotel në Orlando, Florida. Vdekja e papritur e aktorit nuk pikëlloi vetëm familjarët por edhe fansat e tij të cilët ‘rrëzuan’ internetin me komente ngushëlluese për Saget.
Së fundmi familja e aktorit ka zbuluar shkakun e vdekjes së aktorit dhe nuk është alkooli apo lëndët narkotike siç u mendua në fillim.
Në deklaratën e familjarëve thuhej: ”Autorietet kanë përcaktaur se Bob ka ndërruar jetë për shkak të një traume në kokë. Ata kanë arritur në përfundimin se ai aksidentalisht ka goditur pjesën e pasme të kokës. Nuk e ka menduar më gjatë dhe shkoi të flinte. Në autopsi u zbulua se ky ndikim, të cilin Saget e injoroi, shkaktoi një hemorragji cerebrale’.
E veja e tij, Kelly Rizzo, i tha programit “Good Morning America” gjatë një interviste muajin e kaluar se burri i saj dukej se ishte në gjendje të mirë shëndetësore para vdekjes së tij dhe se infektimi i tij me Covid-19 në dhjetor “nuk ishte asgjë serioze”.
