Ish-Kryeministri Sali Berisha deklaroi sot se do të votojë kundër ndryshimit kushtetues për zgjatjen e organeve të vetting.
Berisha tha se sot në Kuvend bashkojnë votat pengmarrësi Edi Rama dhe pengu i tij, Lulzim Basha.
“E kam thënë edhe më parë, kjo reformë në drejtësi, e kapur totalisht nga Edi Rama, është reforma e George Soros, e cila u përdor për të goditur prokurorë e gjyqtarë edhe mbi baza fetare e krahinore”, tha Berisha.
Ai tha se kjo është bashkëqeverisja e pengut me pengmarrësin. “Jo, unë i kam shprehur të gjitha qëndrimet e mia ndaj këtij procesi, është plot shkelje ligjore dhe përdoret nga Rama dhe Soros për spastrime në organet e drejtësisë.
Është në process i flakur që shoqëria shqiptare nuk I beson më. Dhe unë kurrë nuk do të marr vendime kundër vullnetit të shqiptarëve”, tha Berisha.
Lexo edhe:
“5 Maji”, Berisha: Salillari dhe pallat Kapllani nuk po u japin banorëve as 9 % të sipërfaqes
