Prokurori Eugen Beci është vënë në vendin e autoriteteve belge dhe ka treguar pyetjen e parë që do t’i bënte kreut të PD Lulzim Basha nëse do të ishte në vendin e tyre.
“Si e more vesh dhe kush ta tha, dhe çfarë të dhëne ke se kush është personi që po i pret lekët në Shqipëri?”, tha Beci në emisionin “Log” në Abc.
Lorenc Vangjeli: Cilat do të ishin pyetjet që do i bëje Bashës?
Eugen Beci: Si e more vesh dhe kush ta tha, dhe çfarë të dhëne ke se kush është personi që po i pret lekët në Shqipëri? Faktet që belgët këmbëngulën tregon se Basha ka thënë të vërtetën për burimet. Ai mund të thoshte një shok, burime zyrtare që rrjedhjen nuk do të vinin autoritetet belge.
Pyetje: A keni burime në prokurori?
Eugen Beci: Shokët nuk tregojnë (qesh). Kam punuar për rreth 10 vjet me prokurorë belgë. Ata duhet të kenë bërë një hetim kompleks sa i përket pyetjeve. Në indicien që tha në parlament Basha ai kishte shumë të dhëna, a janë verifikuar të dhënat që ato janë të x deputetit që përmendi. Autoritetet belge janë të lira ti bëjnë këto hetime.
Kryetari i Partisë Demokratike ka dëshmuar përpara prokurorëve belgë lidhur me hetimin për 3.4 milionë Eurot e gjetura në automjetet Toyota Auris në Qershor 2018 në Portin e Durrësit. Basha ka qëndruar më shumë se një orë brenda godinës së SPAK, ku i është përgjigjur prokurorëve të Belgjikës të cilët prej disa ditësh qëndrojnë në Tiranë për të kryer hetime për dosjen “Toyota Auris”. Pas përfundimit të dëshmisë, Basha u shpreh se hetimi nuk është mbyllur, por paratë janë të sekuestruara dhe çështja vijon të hetohet nga pala belge. E në këtë aspekt, Basha u shpreh se është në dispozicion të drejtësisë për hetimet.
