Chelsea edhe pse me vështirësi, arrin objektivin për të shkuar në finalen e Botërorit të Klubeve. Pa Tuchel në stol për shkak të infektimit me covid-19, ekipi anglez nuk e pati të lehtë të kalonte kampionët e Azisë, Al Hilal të cilët vunë jo pak në vështirësi Chelsean.
Anglezët e nisën më mirë ndeshjen duke rrezikuar dhe në 32’ konkretizuan duke shënuar me Romelu Lukaku i cili e kishte shumë të lehtë ta çonte topin në rrjetë.
Në fakt goli shtyu më para Al Hilal të cilët sulmuan sidomos në pjesën e dytë dhe duhet thënë se Kepa bëri disa ndërhyrje vendimtare.
Edhe pse asistenti Low bëri disa zëvendësime, Chelsea hasi vështirësi dhe në fund me vuajtje e mbylli ndeshjen 1-0 duke shkuar për herë të dytë në finalen e një Botërori Klubesh.
Chelsea ishte edhe në 2012 në finale por aty u mund nga brazilianët e Corinthians ndërsa tani do të ketë sërish një ekip brazilian, Palmeiras.
