Moderatorja Einxhel Shkira ka treguar gjatë rrugëtimit të saj në shtëpinë e “Big Brother VIP”, se ëndrra e saj ishte të ndihmonte të gjitha vajzat në pamundësi për tu shkolluar e për të patur një karrierë. Ajo ka rrëfyer se nëse do ta fitonte çmimin e madh, do t’ia dedikonte këtij qëllimi që ajo kishte prej shumë kohësh.
Mbrëmjen e djeshme, “Top Chanel” surprizoi moderatorin duke i dhënë ofertën për të bashkëpunuar me një emision televiziv për të ndihmuar të gjitha vajzat shqiptarë në vështirësi, të cilat duan të kenë pavarësinë e tyre.
Pas kësaj, aktorja Rudina Dembacaj ka ironizuar Einxhelin në profilin e saj në “Instagram” duke nxjerrë videon e saj të datës 8 tetor 2020 dhe duke treguar se ideja në fakt ishte e para e saj.
View this post on Instagram
“8 tetor 2020. U zgjova me ide “origjinale” të talenteve të ekranit. Mirmëngjes!”- shkruan Rudina me ironi.
Rudina e ka fjalën për projektin “Malsoret e mia” e cila ka pikërisht për qëllim të shkollojë vajzat që nuk kanë mundësi, njësojë si Einxhel.
