Ka startuar në orën 21:00, sfida Inter-Roma e vlefshme për çerekfinalen e Kupës së Italisë.
Katër muajt e fundit të zikaltërve kanë qenë fantastikë, pasi jo vetëm rikuperuan shumë pikë dhe morën kreun e klasifikimit të kampionatit, por arritën të fitojnë edhe Superkupën e Italisë.
Por, ecurisë pozitive të Interit i erdhi fundi me humbjen në derbi, në një ndeshje të çuar dëm, ku dorëzuan një fitore që deri në minutën e 75-të ishte e tyre.
Ndërkohë në krahun tjetër, Jose Mourinho rikthehet për herë të parë në “San Siro”-n zikaltër si kundërshtar. Hera e parë e portugezit me Romën e tij përballë Interit në Milano vjen për ndeshjen e Kupës së Italisë.
