Presidenti Ilir Meta është ankuar zyrtarisht në Shtëpinë e Bardhë për ambasadoren e SHBA-së në Tiranë, Yuri Kim.
Kjo është bërë e ditur nga Presidenti, i cili edhe më parë ka shprehur kritika të forta në drejtim të diplomates që e ka quajtur të njëanshme dhe të korruptuar.
Presidenti e ka bërë të ditur ankesën në përgjigjet që i ka dhënë anëtarëve të Kushtetueses, për 72 pyetjet që ato i kanë drejtuar, në kuadrin e procesit që po zhvillohet në këtë Gjykatë, me objekt shkarkimin e Ilir Metës nga posti i Kreut të Shtetit.
Kujtojmë që këtë të martë Meta ka publikuar në faqen zyrtare të Presidencës përgjigjet mbi 72 pyetjet që anëtarët e Gjykatës Kushtetuese i drejtuan atij gjatë shqyrtimit të vendimit të Kuvendit për shkarkimin e kreut të shtetit.
