Ambasada e Shqipërisë në Holandë njoftoi sot se, të gjithë personat që do të udhëtojnë nga Shqipëria drejt Holandës, do të duhet të plotësojnë formularin e vetë-karantinimit në momentin e mbërritjes.
Ambasada theksoi se, ky rregull do të hyjë në fuqi që prej datës 8 shkurt 2022.
“Që prej 8 shkurtit, të gjithë personat që mbërrijnë në Holandë pas qëndrimit në Shqipëri duhet të vetë-karantinohen për një periudhë 5 ditore, pavarësisht nëse janë plotësisht të vaksinuar apo të shëruar nga COVID-19”, thuhet në njoftim.
“Të gjithë udhëtarët duhet të kenë me vete një deklaratë karantine të printuar, të plotësuar dhe të nënshkruar. Formulari gjendet në (https://quarantinedeclaration.government.nl/en )”, bëri të ditur ambasada.
Gjithashtu, “personat mund t’a përfundojnë vetë-karantinën nëse do të testohen në ditën e pestë pas mbërritjes së tyre në Holandë pranë qendrës kombëtare të testimit (GGD) dhe kanë rezultat negativ”.
Ambasada shtoi se, “takimi për testin PCR në ditën e pestë të vetë-karantinës mund të caktohet nëpërmjet: https://www.government.nl/…/getting-tested-for… .”
“Krahas ҫertifikatës së tyre vaksinimit dhe deklaratës së karantinës, të gjithë personat që udhëtojnë për në Holandë do të duhet gjithashtu të kenë me vete testin negativ ndaj COVID-19. Një test negativ PCR duhet të jetë jo më i vjetër se 48 orë para udhëtimit, një test negativ i antigjenit duhet të jetë jo më i vjetër se 24 orë përpara nisjes”, theksoi ambasada.
Sa i përket përjashtimeve nga detyrimi i vetë-karantinimit, ambasada shtoi se, “të gjithë personat e vaksinuar plotësisht me dozën përforcuese të vaksinës (booster) nuk kanë nevojë të vetë-karantinohen”. Disa kategori specifike udhëtarësh ( https://www.government.nl/…/exceptions-mandatory… )”.
Ambasada njofoti se për më shumë informacion, qytetarët mudn të shohin në adresën https://www.nederlandwereldwijd.nl/…/reizen/reisadvies.
