Policia në Itali ka finalizuar me sukses një aksion policor, duke shkatërruar një grup trafikantësh të lëndëve narkotike.
Në prangat e policisë ka rënë një 41-vjeçar shqiptar, që ka ngritur dyshimet e policisë, për shkak se shpesh herë udhëtonte në drejtim të veriut të Italisë.
Shqiptari kishte në pronësi një lavazh makinash dhe bënte një jetë të rregullt. Për të shuar dyshimet e policisë në një prej lëvizjeve të tij drejt veriut, 41 vjeçari shqiptar, ai udhëtoi së bashku me familjen e tij, me bashkëshorten dhe vajzën e tij të vogël, shkruajnë mediat italiane.
Në kthim ai u ndalua nga policia rrugore dhe pas kontrollit brenda makinës së tij, policia gjeti 7 kilogramë hashash të fshehura në sendet e tij personale. Ai u arrestua dhe më pas u dërgua në burgun e Arezzos.
