Nga sot, qytetarët shqiptarë kanë kaluar kufirin me Greqinë vetëm me certifikatë vaksinimi, pas vendimit të qeverisë greke javën e kaluar për lehtësim të masave anti-Covid.
Nga ky vendim përfitojnë edhe shtetasit shqiptarë, të cilët kanë paguar shuma parash për testin PCR dhe rapid test sa herë udhëtonin drejt shtetit fqinj.
Emigrantët janë lejuar të kalojnë kufirin vetëm me certifikatën e vaksinimit sot dhe se nuk është paraqitur asnjë problem deri më tani.
“Vetëm certifikata e vaksinimit, testi u hoq. Nuk kemi bërë test për të kaluar kufirin, do paraqitemi vetëm me certifikatën”, shprehen për mediat emigrantët që i drejtohen Greqisë nga dogana e Kakavijës.
Heqja e testit vlen për këdo që ka vërtetim vaksinimi për të paktën dy doza të vaksinës, pavarësisht llojit të vaksinës.
