Aktorja amerikane e humorit, Heather McDonald, është rrëzuar gjatë shfaqjes së saj në Tempe të Arizonës të shtunën mbrëma, pasi “iu morën mendtë”.
Heather-i u rrëzua dhe goditi kokën në dysheme, ndërsa anëtarët e audiencës menduan që mund të ketë qenë pjesë e performancës të saj.
Më pas, u lajmërua ambulanca, por aktorja nuk pranoi të shkonte në spital me automjetin nën kujdesin e infermierëve. Në vend të kësaj, e transportoi kunata me makinë private. Disa orë më vonë, Heather përditësoi fansat e saj të shqetësuar nga shtrati i spitalit, duke thënë se i vinte “shumë, shumë keq”.
“Më ra të fikët në skenë. Bëra një batutë dhe mu morën mendtë. Ja, shikojeni syrin! Rashë në sy… kur u rrëzova. O Zot, ndjehem shumë keq”, tha aktorja nga spitali.
