Myrto Uzuni kaloi nga Ferencvaros te Granada për 3.5 milionë euro. Sulmuesi i Kombëtares kuqezi do provojë veten në La Liga, teksa rezulton një minierë ari për skuadrat shqiptare. Ish-klubet e tij, Apolonia dhe Laçi kanë pjesë në formimin e lojtarit dhe për çdo transferim marrin bonuse përkatëse.
Nëse Granada derdhi në arkat e hungarezëve 3.5 milionë euro, një pjesë e tyre kanë shkuar edhe për Laçin. Kurbinasit mbajtën 20 përqind të kartonit të lojtarit në 2020, me Uzunin që u largua drejt Kroacisë për 425 mijë euro.
Edhe kalimi nga Kroacia në Hungari i Uzunit, ka qenë me fat për klubet shqiptare ku ai ka luajtur, që kanë pjesën e tyre. Në një llogaritje të thjeshtë, Uzuni i ka “dhuruar” klubeve ku ka luajtur në Shqipëri afro 1 milionë euro.
