Banorët e katër zonave të Tiranës e zhvendosën përpara Kryeministrisë protestën e tyre kundër prishjes së banesave. Ata kërkuan edhe njëherë transparencë për pronat e tyre, ndërsa paralajmëruan se do të hyjnë në grevë urie me çadra para Kryeministrisë, nëse brenda dy ditësh nuk marrin përgjigje për kërkesën e tyre.
Pjesë e protestës të kësaj të diele i ishin bashkuar edhe fëmijët, të cilët do të humbin shtëpitë.
Vogëlushët që kishin përgatitur pankartat e tyre iu afruan efektivëve të policisë, të cilët ishin vendosur kordon para godinës së Kryeministrisë.
Në momentin që një prej fëmijëve i drejtoi letrën e tij një efektivi ky i fundit e puthi në faqe të voglin.
Nuk dihet nëse gjesti i punonjësit të rendit ishte reagim momental ose jo, por kolegë të këtij polici, ishin ato që pak javë më parë mësynë ndaj banorëve të 5 Majit, duke nxjerrë forcërisht banorët nga banesat, që më pas u shembën nga fadromat e Lali Erit dhe Edi Ramës.
