Një përleshje brutale mes bandave meksikane ka lënë pas 16 viktima.
Sipas mediave të huaja, prokurori i shtetit Francisco Murillo, ka konfirmuar se 10 trupa të pajetë janë gjetur të shtrirë në rrugët e Zacatecas.
Siç edhe mund të shihen në pamje, ata ishin të mbështjellë me batanije dhe të “lidhur fort me shirit”.
6 trupa të tjerë u gjetën të varur brenda një magazine pranë rrugës.
Autoritetet kanë arrestuar tashmë dy persona të cilët u kapën duke transportuar një kufomë një ditë më parë, me Murillo duke shtuar se dyshja tani janë nën hetim për 16 vrasjet e tjera.
Asnjë nga 16 trupat nuk është identifikuar, por hetimet vazhdojnë.
