Deputeti demokrat i Qarkut Fier, Luan Baçi, anëtar i Komisionit të Rithemelimit, akuzoi Lulzim Bashën se po mban peng siglën dhe vulën e PD, ndërsa është braktisur nga anëtarësia dhe simpatizantët.
Duke komentuar zgjedhjet e pjesshme vendore të 6 marsit, Baçi tha se Basha po luan me demokratët, po i mashtron dhe po i gënjen ato.
“Vështirësia që ka Partia Demokratike e vërtetë dhe e rithemeluar për tu regjistruar ka qenë e madhe për arsye se Basha mban peng vulën dhe siglën dhe do të lozi me këtë duke ditur që nuk ka rreth vetes anëtarë dhe simpatizant të strukturave thjesht mban vulën për të mashtruar dhe gënjyer. Ata e dinin që do të vije një moment i tillë ku Partia Demokratike do të ishte në vështirësi për tu regjistruar dhe u gjet një rrugë shumë domethënëse ligjore për tu regjistruar ne KQZ. Emërtesa ‘shtëpia e Lirisë është emërtesa e koalicionit dhe nuk është emërtesa e një partie tjetër apo sigla e një partie të re.
Dihet që para se të bëhej regjistrimi i këtij koalicioni ne kemi një aktivitet transparent në 6 bashki ku kemi zhvilluar si asnjëherë tjetër, zgjedhje të pastra si ato të Primareve.
Kandidatët e 6 Marsit janë kandidat të Partisë Demokratuike që janë votur nga anëtarësia”, tha Baçi në një prononcim për Syri Tv.
