Ish-deputeti i PD, anëtar i Komisionit të Rithemelimit, Gent Strazimiri, në një postim në rrjetin social shkruan se Saimir Tahiri nuk do të rrëfehet përpara drejtësisë, pas dënimit me 3.4 vite burg.
Strazimiri shprehet se Tahiri ka shumë për të thënë si dhe do që të fundosë politikanë të tjerë.
“Por atë nuk do ta dëgjojë askush’, thotë Strazimiri, ndërsa shton se Rama duhej të mos e bënte gjumin e qetë nga frika e fundosjes bashkë me Tahirin, por që në kushtet aktuale drejtësia është ‘reformuar’ sipas udhëheqjes dhe dëshirës së tij.
Postimi i Strazimirit
Saimir Tahiri NUK DO TË FLASË!
Dhe kjo jo për arsyen se nuk ka gjë për të thënë; jo se nuk do të fundosë politikanë të tjerë…
Saimir Tahiri NUK DO TË FLASË, sepse e di që ASKUSH NUK ËSHTË INTERESUAR TA DËGJOJË!
Veçanërisht ata që këtë “reformën në drejtësi” që e dënoi vetëm për shpërdorim detyre, e quajnë sukses…
Edi Rama, që do të duhej “të mbetej pa gjumë” nga frika e fundosjes bashkë me të, jo më kot i kujtoi sot se “drejtësia” që e dënoi vetëm për shpërdorim detyre, është “reformuar” sipas udhëheqjes dhe dëshirës së tij!!!
KAQ!
