Partizani ka marrë një fitore shumë të rëndësishme për renditjen dhe për moralin, duke u kthyer te sukseset e hedhur sytë edhe një herë nga grupi i skuadrave që ka më lart në renditje.
Skuadra e Mehmetit ka mundur me rezultatin e thellë 4-0 Teutën kampione në fuqi, në një triumf që nuk u vu asnjëherë në diskutim.
Me të nisur ndeshja pas 2 minutash, Skuka menjëherë shënon për miqtë të cilët marrin zemër dhe në 28’ dyfishojnë me Carën.
Në pjesën e dytë, Teuta e ka të vështirë të reagojë dhe sërish Partizani provon të mbyllë ndeshjen kur në 60’ Sota me kokë shënon dhe golin e tretë. Ndeshja nuk ka më histori teksa ka vend edhe për një gol në 94’ për të kuqtë që largohen me 3 pikë shumë të rëndësishme nga Niko Dovana.
