Humbja e radhës në Superiore ka sjellë edhe ndoshta atë që pritej.. Është Bledi Shkëmbi i cili pas humbjes me Kastriotin në Kamëz ka paralajmëruar largimin duke marrë përgjegjësitë për rezultatet negative.
“Ka ardhur momenti të flas me klubin dhe presidentin. Është moment reflektimi pas një humbje të tillë. Në futboll dihet si janë rregullat, duhen rezultate. Unë mendoj se kam bërë maksimumin, e kam bërë me pastërti dhe ashtu siç duhet sipas mundësive të mia. Në futboll ka shumë gjëra, trajneri në përfundim matet me rezultatet. Duhet të flas me presidentin e të reflektoj. Nuk mund të mendoj të hedh fajin te lojtarët”, deklaroi mes të tjerave trajneri Shkëmbi.
Tashmë topi është në këmbët e drejtuesve të cilët mund të pranojnë këtë lloj dorëheqjeje ose ta konfirmojnë në krye të Dinamos.
