Antonela Berisha na ka surprizuar të gjithëve me lajmin se do të ishte pjesë e festivalit madhështor më të njohur në Itali “Sanremo 2022”.
Ish-konkurrentja e “Për’puthen” ka treguar se mbas intervistës që iu bë nga Giorgio Petrolio ajo mori ftesën për tu bërë pjesë e ‘Sanremos’ për të intervistuar personazhe të njohur të cilën ishin pjesëmarrës në eventin madhështor. Antonela zbuloi gjithashtu se është pjesë e dy emisioneve duke komentuar kështu në lidhje me veshjet e të ftuarve.
“Giorgio Petrolio më bëri një intervistë ku më vuri dhe në kopertinën e revistës së tij dhe bashkë me producentin, Alfonso Stanio, më bëri ftesë që të isha pjesë eventeve në Sanremo. Të intervistonim të ftuarit , të gjithë vipat Italian. Po komentojmë veshjet e të ftuarve të Sanremos.
Jam pjesë e dy emisioneve që po bëhen tek hoteli, ku ftojmë të gjithë artistat që janë në skenën e madhe të Sanremos, i intervistojmë i pyesim si shkojnë si janë pritshmëritë”.
Gjithashtu ajo zbuloi se ka marrë një ofertë që të bëjë një emison ku bëhen bashkë Shqipëria dhe Italia për të sjellë turizmin Shqiptar tek ta.
“Më është bërë një ofertë të them të drejtën që të sjellim turizmin Shqiptar në Itali, që ta njohin Italianët më mirë Shqipërinë dhe me shumë siguri do ta pranoj”.
