Avokati Maksim Haxhiaj ka folur pas vendimit të GJKKO-së për ish-ministrin e Brendshëm Saimir Tahiri, duke theksuar se ishte një vendim i padrejtë.
Haxhiaj ka thënë se pas këtij vendimi Tahiri do të dërgohet në Drejtorinë e Përgjithshme të Policisë, më pas në burg, ndërsa është shprehur se do të bëhet rekurs në Gjykatën e Lartë.
Haxhia i ka kërkuar asistentit të tij që ti çojë brenda sallës edhe dy paketa cigare Saimir Tahirit, pasi ish-ministri do të kalojë mbrëmjen në ambientet e policisë për tu nisur ditën e shtunë drejtë 313-s.
“Ishte një vendim skandaloz. Në këtë vend dy gjëra dihen që janë të sigurta. Lindja dhe vdekja, të tjerat nuk dihen. Nëse vendimi i Saimir Tahirit do të kënaqë dhe përmbushë atë shqetësim që kishte opinioni shqiptar, le të quhet i përmbushur”, tha Haxhiaj.
