Në ujërat e trazuara të PSG-së pas humbjes së papritur brenda fushe me penallti ndaj Nices që e eliminoi nga Kupa e Francës, rrezikon të mbytet edhe 18-vjeçari Xavi Simons. Holandezi i ri – i cili që nga ardhja e tij e trumbetuar pa asnjë kosto nga Barcelona në verën e 2019-ës nuk ka arritur ende të mbajë premtimet e shumta të hapave të tij të parë – në fakt e ka humbur penalltinë vendimtare, të shtatën në seri.
Ndeshja përfundoi me rezultatin 0-0, ku vendasit nuk arritën të realizonin ne dominimin dërrmues territorial, me një Icardi katastrofik dhe një Messi jo në nivelet e tij, siç ka ndodhur shpesh që kur u transferua te PSG.
Në 5 çiftet e para të penalltive pati një gabim në secilën anë (Paredes dhe Delort), kështu që seria u zgjat duke arritur në xhiron e shtatë, ku braziliani Dante fillimisht shënoi për Nice – me një lugë tallëse për Donnarumma – dhe më pas i takonte Simons.
Djaloshi me origjinë nga Suriname gaboi perparaj Bulka dhe i trishtuar u kthye me kokën ulur drejt mesfushës, ndërsa gëzimi i njerëzve të Galtier shpërtheu.
Shumë pak i aktivizuar këtë sezon – vetëm 5 paraqitje, duke përfshirë 3 në Kupën e Francës dhe gjysmë ore gjithsej në 2 paraqitje në Ligue 1 – mesfushori i ri deri më tani nuk e ka transformuar zhurmën rreth tij që kur ishte fëmijë, falë pamjes së tij dhe miliona ndjekës në Instagram, në atë projekt kampion që mendohej se mund të bëhej.
Penalltia e dështuar është një goditje nga e cila do të jetë e vështirë të rikuperohet, por vendimi për ta gjuajtur – siç specifikoi Pochettino pas ndeshjes – nuk i takoi teknikut, i cili kishte vendosur vetëm 5 emrat e goditesve te penalltive te para…
Një vendim që befasoi shumë, duke pasur parasysh peshën specifike të atij topi, dhe që – zbulon tani L’Equipe – ishte pasojë e refuzimit për të goditur penalltinë e shtatë nga bashkëlojtarët më me përvojë të Xavi Simons: se askush nuk e detyroi djalin të shkonte në piken e bardhe.
Në atë moment, përveç holandezit, ishin 4 që nuk kishin goditur ende: Kimpembe, Kehrer, Danilo Pereira dhe gjithashtu Donnarumma.
Të gjithë ata janë shumë me pervoje se Simons, por asnjëri prej tyre nuk donte të merrte pergjegjesine.
Si rezultat, PSG është jashtë kupës dhe po lëpin plagët.
Dështimi në Ligën e Kampionëve kundër Real Madridit brenda pak javësh mund të shkaktojë vërtet një situatë tashmë shpërthyese!/Telesport
