Producentet e “BBV”, Sara dhe Lori Hoxha, në një intervistë që kanë dhënë së fundimi, kanë nxjerrë prapaskenat e ‘Big Brother VIP’. Ato zbuluan se ka një produksion edhe për familjarët.
Të pyetura se cili ka qenë banori më i sikletshëm, motrat Hoxha janë përgjigjur si më poshtë.
Lori: Askush nuk ka qenë i sikletshëm. E sikletshme ka qenë situata, që e kemi trajtuar sa më mirë
Sara: Më shumë të sikletshëm janë familjarët. Ne kemi një staf për ta. U them dhe vajzave të tjera që kuptojini sepse edhe unë po të kisha motrën time brenda njësoj do të isha.
Ndërkohë, ish-konkurrentja e “Për’puthen” Antonela Berisha u bë pjesë e këtij programi, dhe ka marrë kritika të ndryshme ku shpesh-herë është vënë në diskutim a duhej të hynte në “BBV”.
Lori: Unë mendoj që çdo person që është futur në “Big Brother Vip Albania” është i duhuri. Unë nuk di të ndaj pse është bërë i famshëm secili. “Për’puthen” është një produksion i Top Channel dhe sigurisht që konkurrentët mund të jenë pjesë e “BBV”. Mua më pëlqeu personazhi i Antonelës, dha një dinamikë në program.
A e kanë menduar ndonjëherë motrat Hoxha veten si opinioniste të “BBV”?!
Sara: Si opinioniste besoj do isha bërë lëmsh me gjysmën e Tiranës. E shoh dhe kur flas me Arbrin dhe Balinën, e shoh që më e mira për të gjithë nuk mund të jetë. Gjysma do të ngelë gjithnjë e pakënaqur.
Lori është përgjigjur se nuk do ta bënte kurrë si punë pasi është shumë emotive.
