Ish-kryeministri Sali Berisha ka deklaruar votën kundër zgjatjes së afateve të institucioneve të vetingut në Shqipëri. Përmes një interviste të dhënë në emisionin “Log”, Berisha u shpreh se e konsideron vetingun si një nga mekanizmat më shkatërrimtarë të drejtësisë në vend.
Ish-kryeministri e cilësoi drejtësinë e re të kapur prej maxhorancës qeveritare dhe theksoi se, institucionet e reja i kanë privuar qytetarët nga një proces i rregullt gjyqësor.
“Unë konsideroj vetingun nga lart poshtë si mekanizmin më shkatërrimtar të drejtësisë. Kurrë unë nuk bëhem bashkëfajtor në një akt të shëmtuar që la Shqipërinë të kapur nga narkoekzekutivi, që privoi shqiptarët nga e drejta themelore e një procesi të drejtë gjyqësor, që ka bllokuar investimet e huaja, që po rrit inkriminimin e shoqërisë dhe krimin e organizuar. Para tre vjetësh kur nuk kishte Gjykatë të Lartë ishin 35 mijë dosje pa u shqyrtuar dhe sot pas dy vitesh punë të Gjykatës së lartë numri i dosjeve është po 35 mijë.
U shkatërrua në mënyrën më të papërgjegjshme një sistem që kishte probleme, por që ishte ky sistem që me burgosjen e bandave bëri futjen e Shqipërisë në NATO. A e dini ju që një task forcë në atë kohë dërgoi 350 zyrtarë në gjykatë
A e dëgjuat ju regjistrimin e Erion Velisë, e bënë SPAK-un në një institucion që e ndërzen kudo. Vota pro zgjatjes së organeve të vetingut është një akt bashkëqeverisjeje”, tha Berisha.
