Një banesë në Shkodër është përfshirët nga flakët mesditën e sotme. Një i moshuar që ndodhej në banesë në momentin e rënies së flakëve, ka humbur jetën. Ndërkohë, e shoqja është dërguar në spital ku po merr ndihmë mjekësore.
Çifti i të moshuarve jetonte i vetëm dhe viktima ishte i paralizuar.
Ende nuk dihen shkaqet e rënies së zjarrit.
“Rreth orës 13:30, në lagjen ‘Salo Halili’, ka rënë zjarr në katin e parë të një pallati. Si pasojë ka gjetur vdekjen shtetas M.Z. 79 vjeç, dhe ka pësur djegie bashkëshortja e tij e cila ndodhet jashtë rrezikut për jetën në Spitalin Rajonal Shkodër. Në vendin e ngjarjes ndodhen shërbimet e Policisë dhe shërbimet PMNZ, ku kanë bërë të mundur fikjen e zjarrit. Grupi hetimor po kryen veprimet për zbardhjen e rrethanave të ngjarjes”, njoftoi policia.
