Një 34-vjeçar është hedhur nga kati i pestë i një pallati në Tiranë.
Sipas policisë, i riu i cili ka probleme të shëndetit mendor ndodhet në spital.
“Në rrugën ‘Niko Avrami’, dyshohet se është vetëhedhur nga kati i pestë i pallatit, shtetasi R. Ç., 34 vjeç, i cili vuan nga probleme të shëndetit mendor. Si pasojë është dëmtuar dhe ndodhet në spital, nën kujdesin e mjekëve”, njoftoi policia.
Grupi hetimor ndodhet në vendngjarje dhe po punon për sqarimin e rrethanave të ngjarjes, shtuan të njëjtat burime.