Nga Artan Fuga
Po mirë pse po hyn tani dhe dy vite më parë nuk hynte, sikurse nuk hyn demi te vrima e gjilpërës!
A ka mundësi të na e shpjegojë njeri! Apo na marrin për budallenj?
A ka mundësi ta marrim vesh kush e vendosi që të mos hynin në zgjedhjet e pushtetit lokal atëhere? A ka mundësi dikush të na thotë: Më falni se bëra budallallik!!!
A e kuptojnë se çfarë krimi elektoral kanë bërë ndaj nesh qytetarëve duke na lënë me pushtete lokale jo legjitime?
Duke hyrë në këto zgjedhje opozita indirekt pranon se në të gjitha bashkitë e tjera situata është normale! Në vend të thoshte tani nuk hyjmë në zgjedhje! Ose zgjedhje në të gjitha bashkitë o hiç, mbajini edhe këto të gjashta sikurse ju ka mbet dopjo gjashta në dorë!
Nuk hynin në zgjedhje kur duhet të hynin dhe hyjnë kur nuk duhet të hyjnë!
Pse tani u kujtuan se nuk ka kryetarë në këto Bashki?
Tani është koha më e mirë për pushtetin që t’i marrë rehat ato bashki sepse elektoratin opozitar e kanë bërë kashtë e koqe! Zgjedhjet u bënë tani që të përfitonte partia socialiste, dhe ndërkohë thuhet do t’i fitojmë neveeeeeee!!!
Pse kot shkoi ai të bisedonte me atë!
Lëre po pretendon edhe për të kap ndonjë kryetar bashkie. E pastaj? Kryetari demokrat kurse këshilltarët socialistë. Cfarë do të ndodhi? Lëmsh para porte! Ky do jetë demokracia lokale apo do të ketë bllokime si në Vlorë, në Shkodër!
Në vend të thoshte : Doni zgjedhje? Mirë atëhere edhe për kryetarin edhe për këshillin bashkiak sepse këto dy pushtete shkojnë bashkë! Kush po e fut në kaos edhe Peshkopinë, madje edhe Rrogozhinën, futni mundësisht edhe Rroskovecin, Leskovikun edhe ndonjë tjetër!
Me këtë ndarje territoriale u futët në zgjedhje! Por çfarë opozite e tmerrshme, e papajtueshme, parimore!!! Por me atë ndarje territoriale pretendoni të fitoni??? E kush është ndryshimi? Kryetari juaj do të jetë si kryetari i komitetit ekzekutiv të Dibrës! Mbetet edhe të bëjë thirrje për aksion me goditje të përqendruar sepse Skavicën do ta zhbëjë!
Me këtë ligj zgjedhor për faqe të zezë hytë? Nuk ua mbajti as t’i thoni ndrysho ligjin sepse është për faqe të zezë!
C’ na gjeti quajnë fitore fitoren e një fraksioni të Partisë Demokratike mbi pjesën tjetër? Për këtë na duhen zgjedhjet në Rrogozhinë, në Paskuqan, në Zharrëz, a ku e di unë tjetër!
Koalicion kundër Ramës! Pse në Dibër mundet Rama?
