Një aksident ka ndodhur mëngjesin e kësaj të Mërkure në hyrje të qytetit të Lezhës.
Raportohet se drejtuesi i një makine tip “Audi” ka humbur kontrollin dhe është përplasur me shtyllën e ndriçimit në anë të rrugës.
Goditja ka qenë e fortë, e për pasojë është plagosur shoferi i mjetit, i cili ka qenë duke udhëtuar i vetëm përgjatë superstradës në drejtim të Lezhës.
Ndërkohë, policia ka nisur hetimet për zbardhjen e shkaqeve të këtij aksidenti.
