Një grua është plagosur me armë zjarri mbrëmjen e sotme në Vlorë. Mësohet se rreth orës 18:10, në spitalin Rajonal Vlorë, është paraqitur shtetasja M. N., 39 vjeçe, banues në fshatin Bunavi, Vlorë, e cila ka dëmtime në dorë, sipas policisë dyshohet të shkaktuara me armë gjahu.
Paraprakisht dyshohet për ngjarje aksidentale. Shtetasja M. N., ndodhet nën kujdesin e mjekëve, jashtë rrezikut për jetën.
Grupi hetimor po punon për zbardhjen e plotë të rrethanave të ngjarjes.
