Shoferi i automjetit tip “Opel” që ka shkaktuar aksidentin e rëndë me një viktimë pranë Metalurgjikut në Elbasan ia ka mbathur nëpër ara. E.M. rreth 36-vjeç, është kapur pas disa minutash.
Ai e kishte parkuar automjetin brenda një ndërtese në ndërtim duke tentuar të largohet. Ngjarja ndodhi mesditën e sotme ndërsa viktima është identifikuar si Lefteri Binjaku e moshës rreth 50-vjeç.
“Falë ndjekjes nga shërbimet e Komisariatit të Policisë Elbasan, Policisë Rrugore të DVP Elbasan, Forcave të Posaçme ‘Shqiponja’ dhe Njësisë Operacionale është bërë e mundur kapja e drejtuesit të mjetit, shtetasit E.M., rreth 36 vjeç, banues në fshatin Katundi i Ri, Elbasan, i cili ndodhet në ambientet e Policisë, për kryerjen e veprimeve të mëtejshme procedurale. Mjeti tip “Opel” është sekuestruar në cilësinë e provës materiale”, njofton policia.
