Pak javë më parë, ish-Kryeministri Sali Berisha do të denonconte publikisht një takim mes Lulzim Bashës, Taulant Ballës dhe Erion Veliajt. Berisha në atë kohë tha se takimi është bërë në një nga hotelet e Irfan Hysenbelliut, madje tha se ishte pirë edhe një shishe raki skrapari.
Ndërkohë sot Syri Tv pretendon mbi një tjetër takim mes Bashës, Ballës dhe Veliajt. Sipas raportimit mediatik, që i referohet një mesazhi, takimi është realizuar në një darkë në Fish City të biznesmenit Gjergj Luca, i njohur si një mik i Kryeministrit Edi Rama.
Raportohet se ky takim është bërë para tre javësh në Labinot. Deri në momentin e publikimit të këtij informacioni nuk ka pasur asnjë reagim zyrtar as nga Basha, Balla apo Veliaj për të konfirmuar ose jo këtë takim të pretenduar.
Mesazhi i publikuar nga Syri Tv, që sipas raportimit, konfirmon takimin Basha-Balla-Veliaj
Disponohen edhe foto por vendi i takimeve monitorohet me kamera me audio nga vetë Luca.
Ky takim është monitoruar për të qenë edhe Rama në brendësi të bisedës mes të treve.
Takimi, i dyti, pas atij të para disa javëve në një hotel në Tiranë, është në vijim të bashkëpunimit të Lulzim Bashës me Taulant Ballën e Erion Veliajn.
Jo rastësisht Basha dhe Balla janë të lidhur me ‘Toyota Yaris’ dhe një pronar media.
