Ish-kryeministri Sali Berisha ka reaguar pas përmbylljes së plotë të procesit të përzgjedhjes së kandidatëve përmes primareve për zgjedhjet e pjesshme lokale të 6 Marsit në 6 bashki të vendit.
Në reagimin e tij Berisha shkruan se sot u dha një leksion demokracie dhe se në PD morën fund zarfet dhe praktikat korruptive të Lulzim Bashës.
Ai ju uron suksese të gjithë kandidatëve që do të garojnë nën logon e PD në zgjedhjet e pjeshshme lokale të 6 Marsit:
Postimi i Berishës:
Te dashur miq,
Kam kenaqesine t’ju njoftoj se sapo ka perfunduar ne te 6 bashkite e vendit procesi i primareve duke nxjerre keshtu per here te pare kandidate qe perfaqesojne vullnetin e anetaresise se Partise Demokratike dhe jo xhepin apo vullnetin e kryetarit te radhes.
Ky proces eshte nje zhvillim shume i rendesishem per PD, jo vetem se respekton voten dhe vullnetin e lire te anetaresise por dhe i tregon kandidatit fitues se suksesi ne politike tani e tutje nuk do te matet me humorin apo mardhenien me kryetarin por me sherbimin dhe mardhenien qe ai do t’ju ofroje demokrateve dhe qytetareve.
Votimi i sotem na ndan perfundimisht nga praktikat korruptive e klienteliste te Lulzim Braves per percaktimin e kandidateve. Ky votim na ndan nga pazaret dhe na afron me demokratet, qytetaret dhe me vete fitoren!
Nuk mund te kete fitore pa nje aleance te gjere me demokratet e qytetaret dhe nuk mund te kete nje aleance me ta nese, nuk degjon zerin e tyre. Sot demokratet votuan te lire dhe vendosen! Une falenderoj nga zemra te gjithe kandidatet qe moren pjese duke i dhene dinjitet kesaj gare. Falenderoj mijera demokrate qe u drejtuan kutive te votimit duke i dhene legjitimitet fituesit! Uroj perzemersisht fituesit e primareve te sotme dhe u kerkoj atyre te bashkepunojne perulesisht me kandidatet e tjere, me demokratet dhe gjithe qytetaret, per te zgjeruar dhe forcuar potecialin e tyre ne perballjen me kundershtaret tane ne zgjedhjet e 6 Marsit. Vetem te bashkuar do te mund te risjellim shpresen dhe fitoren. Suksese ✌🏻
Ditën e sotme përmes primareve u përzgjodhën kandidatët e Komisionit të Rithemelimit për 6 bashkitë.
Emrat e kandidatëve:
Lulzim Vrana- Vorë
Premtim Kryemadhi-Dibër
Hekuran Xhani-Rrogozhinë
Ardian Muka -Durrës
Elton Bano-Lushnje
Bardh Spahia-Shkodër
