Një 36-vjeçar i cili ishte shpallur i zhdukur pak ditë më parë në Fier, është gjetur sot i pajetë në një banesë të pabanuar.
Burime bëjnë me dije se Erald Mejdani, u shpall në kërkim pas denoncimit të të atit në polici se i biri ishte larguar nga banesa duke mos u kthyer.
Sipas Policisë së Fierit, në trupin e pajetë të të riut nuk janë konstatuar shenja dhune ndërsa dyshohet se ka ndërruar jetë nga përdorimi i drogës.
Njoftimi i Policisë
Sot rreth orës 16:10, në lagjen “1 Maj”, Fier, në një banesë të pabanuar, është gjetur i pa jetë, shtetasi E. M., 36 vjeç, banues në Mallakastër. Nga këqyrja paraprake nuk dallohen shënja dhune(dyshohet se vdekja mund të ketë ardhur nga përdorimi i lëndëve narkotike).
Ky shtetas është shpallur në kërkim në datë 19.01.2021 nga Komisariati i Policisë Mallakastër pas denoncimit të bërë nga babai i tij për largim nga banesa.
