Lojë të rrezikshme të ambasadores amerikane, Yuri Kim, e ka cilësuar ish-Kryeministri Sali Berisha, mbështetjen që ajo po i jep, asaj që e quajti si kallp opozita.
Berisha tha se Lulzim Bravën po e mbështet jo vetëm Edi Rama, por edhe ambasadorja Kim, e cila po bën një lojë të rrezikshme me plularizmin në Shqipëri.
“Lulzim Basha është i kapur nga Edi Rama me afera korruptive, që nga Porti i Durrësit, që është afera e shekullit, deri te kullat që do të ndërtohen atje ku ndodhet selia e PD.
Ambasadorja e ka kapur Lulzi Bashën me dosjen e Nick Muzin. Ai do të shkonte në burg, atje ku e meriton, por pse nuk shkoi? Zgjodhi që të largojë Sali Berishën nga politika që të shpëtojë veten.
Pse ambasadorja amerikane nuk flet asnjë fjalë për korrupsionin? Për largimin e mijëra shqiptarëve nga Shqipëria? Pse ambasadorja amerikane dhe paraardhësi i saj nuk folën asnjë fjalë për drogën dhe kanabizimin e vendit? Në një kohë kur raportet e DASH denoncojnë korrupsionin, kjo zonjë nuk flet asnjë fjalë për korrupsionin e kësaj qeverie. Janë 8 mld që janë grabitur, kush i mori këto ish-ministrat? Jo moj zonjë i mori Kryeministri dhe ministrat”, tha Berisha.
Në vijim ai tha se Kim nuk tha asnjë fjalë për blindimin e selisë së PD, duke shtuar se këto nuk janë parime të SHBA, por të George Soros dhe mafies së tij.
“Yuri Kim nuk mbështet Lulzim Bashën, por Edi Ramën, si njeriun e George Soros. Kjo zonjë shkoi natën e 25 prillit dhe uroi kreun e KQZ për zgjedhjet, që shkelmuan votën e lirë”, tha Berisha.
