Stenio Junior rrezikon të humbasë supersfidën ndaj Laçit. Sulmuesi i Partizanit doli i dëmtuar nga përballja me Dinamon në Kupë për shkak të një tërheqje muskulore dhe është në “luftë” me kohën për t’u rikuperuar.
Takimi ndaj Laçit do të luhet ditën e hënë dhe Junior mund të mos rikuperohet në kohë për këtë ndeshje. Mungesa e tij do të jetë një problem më shumë për trajnerin Mehmeti pasi sulmuesi është një lojtar i rëndësishëm për formacionin e të kuqve.
Partizani vjen në këtë takim pas barazimit ndaj Kastriotit dhe në Laç kërkohet me çdo kusht kthesa për të mos humbur më shumë terren me zonën e Europës. Stafi teknik i Partizani ka edhe dy ditë kohë për të zgjedhur formacionin anti-Laçi, ndërsa duhet të mendojnë 11-shen titullare pa Stenio Junior.
