Dy persona janë shpallur në kërkim pasi kanë vjedhur një makinë në Berzhitë në Tiranë.
Ngjarja ka ndodhur të enjten, në fshatin Berzhitë ku një shtetas ka denoncuar marrjen e makinës në momentin që ai e kishte lënë ndezur atë anës rrugës.
Shtetasi më iniciale G.Ç. në deklaratën e tij në polici është shprehur se dy persona të paidentifikuar i kanë vjedhur mjetin të cilin e ka pasur të ndezur.
“Më datë 27.01.2022, shtetasi G. Ç., ka kallëzuar se rreth orës 20:00, në fshatin Bërzhitë, dy persona të paidentifikuar i kanë vjedhur mjetin të cilin e ka pasur të ndezur. Punohet për identifikimin dhe kapjen e autorëve të ngjarjes”, thuhet në njoftimin e policisë.
