Lulzim Basha ka vijuar me akuzat ndaj ish-kryeministrit Sali Berisha.
Pas sulmeve të Bashës nga një aktivitet në Tiranë, zyra e shtypit pranë tij ka akuzuar sërish Berishën për bashkëpunim me Ramën.
“Është e qartë për të gjithë që janë të lidhur dhe koordinohen me njëri-tjetrin. Ajo që u pa në parlament është vetëm maja e ajsbergut. Qëllimi i tyre është të shkatërrojnë Partinë Demokratike. Rama për arsyet e tij politike. Berisha për arsyet e tij personale. Ata kanë një hall të përbashkët: I përkasin politikës së tranzicionit që po e mban peng Shqipërinë. Askush nuk ka më iluzione, zgjidh Ramën dhe merr Berishën. Zgjidh Berishën dhe merr Ramën”, thuhet në reagim.
