Komisioni i Rithemelimit do të kandidojë në zgjedhjet e 6 marsit me kandidatët e vet.
Por a do të jetë LSI partia kryesore e cila do të bëjë koalicion me PD e Berishës në zgjedhjet e pjesshme vendore?
Anëtari i Komisionit të Rithemelimit, Aldo Bumçi në studion e Ora News u shpreh se LSI është partia kryesore për shkak të numrit të votave dhe zbuloi se kanë zhvilluar negociata me të.
Bumçi u shpreh se Basha është një pakicë dhe këtë e tregon votimi brenda PD-së.
Bumçi: Gjithçka tregon që ai është një pakicë, pro me ndihmën e Ramës thotë që unë kam logon, siç mbaj selinë mbaj dhe logon. Kjo është e përkohshme dhe do zgjidhet. Partia nuk është ai. Kjo që po bën Basha është në dëmtim të opozitës dhe demokracisë. Nëse do të rrish në opozitë me dhunë, atëherë Rama është mbret aty. Pluralizmi u shpëtua dhe tashmë ka një PD që është në rithemelim. Ne e kemi betejën me Ramën.
Zoti Bumçi solli në vëmendje qeverisjen e kryeministrit Rama dhe tha se çdo gjë në vend është kapur nga ai. Raporti i fundit i Transparency International tregonte një përkeqësim të korrupsionit në vendin tonë.
