Komisioni i Rithemelimit i Partisë Demokratike ka depozituar një kallëzim penal ndaj Spartak Brahos. Deputeti Braho akuzohet nga Komisioni për kryerjen e veprës penale të shpifjes. Para protestës së 8 janarit, ish-deputeti, në një studio televizive paralajmëronte se tubimi i thirrur nga Sali Berisha do të kishte skenarë të dhunshëm, madje, sipas tij, do të përfundonte edhe me viktima, duke përmendur një deputet me inicialet E.A.
I pyetur nga “Alfapress.al” Spartak Braho është shprehur se kjo padi nuk ka një bazë ligjore nga ana tjetër ai shprehet se nuk ka arsye që të mërziten, vetëm në rast se realisht prisnin vrasjen e Enkelejd Alibeaj.
“Nuk ekziston ligjërisht një subjekt i tille. Pse janë mërzitur ata ,që nuk u vra Alibej.? Nuk legjitimohet ky komision të bëj padi se nuk ka subjekt dhe objekt konkret të prekur për ketë lloj akuze Shpifje!!!??? Kush është prekur konkretisht nga shpifja, Muli. ? Muli etj bandit të Saliut duhen të përgjigjen penalisht për dhunë, për kërcenim, për shkatërrim etj akuza që po heton SPAK-u,” tha Braho.
