Një zonjë në Qarkun e Fierit, Liljana Sema, humbi jetën si pasojë e të ftohtit, ndërsa jetonte në kushte të vështira ekonomike. Sema u gjet e pajetë nga vëllai i saj, Baçi Gjoleka mbrëmjen e djeshme në Fier. Liljana jetonte në kushte të vështira, në një banesë thuajse të shkatërruar dhe çfarëdo që të binte jashtë hynte dhe brenda. I vëllai bashkë me nipin treguan për mediat se 66-vjeçares kishte dhjetë ditë që i kishin hequr energjinë elektrike pasi nuk kishte pasur mundësi që ta paguante.
Ky rast i dhimbshëm i është përmendur Kryeministrit Edi Rama nga njëri prej ndjekësve të tij në rrjetin social, ndërsa Kreu i Qeverisë, i kvrkon qytetarit të plotësojë pyetësorin, pasi në të flitet për hallet e qytetarëve.
Komentuesi: Prsh z.kryeministër nuk ka ardhur koha për gjera pa vlerë por shiko hallet e popullit ….. si shembull po ju përmend rastin që e lexova sot. Një zonje nga Fieri paska ndërruar jetë nga i ftohti arsyeja është sepse ju ka kishit prerë dritat ajo jetonte vetëm…… këto shiko e jo gjera pa vlerë
Përgjigjia e Ramës: Kurse unë mendoj te shikosh me vëmendje kanalet ku informohesh, sepse ka infeksione të mëdha nëpër rrjedhat e tyre dhe bëhet njeriu të flasë me vete nga ato që lexon e dëgjon, ndërsa pyetësori është pikërisht për hallet e popullit, kështu që hidhi një sy dhe jepe opinionin tënd në linkun https://keshillimikombetar.al/
