Komisioni i Ligjeve po zhvillon një seancë dëgjimore me banorë të zonës së “5 Majit” në Tiranë, atje ku pak ditë më parë, banorët u nxorrën dhunshë nga banesat e tyre, ndërsa fadromat e Bashkisë së Erion Veliajt, shembën shtëpitë, për ti hapur rrugën një projekti të dyshimtë rindërtimi.
Një prej banoreve që ka dëshmuar ishte Liza Marku, e moshuar, e cila u dhunua nga policia e Gledis Nanos, me kërkesë të Erion Veliajt, sikundër pohoi Drejtori i Përgjithshëm i Policisë, lidhur me ndërhyrjen e uniformave blu në këtë zonë.
Nënë Liza tha në seancën dëgjimore tse është e turpshme ajo që policia e shtetit ka bërë ditën e prishjes së shtëpisë. Ajo rrëfeu se 4 policë e nxorrën jashtë zvarrë dhe nuk e lejuan as të merrnin ilaçet apo rrobat.
Në fjalën e saj ajo kërkon drejtësi dhe ballafaqim me kryetarin e Bashkisë duke theksuar se nuk do dalë nga shtëpia. “Unë nuk dal, do vdes në rrënoja”-theksoi Liza Marku.
“Kemi punuar një jetë të tërë, se do vdes e dija se do vija këtu jo. Ne nuk kemi qenë në kundërshtim me zhvillimin e zonës por të na caktonte një datë e një kon tratë të rregullt. Asnjë ditë nuk ka pranuar të vijë, kryetarit të bashkisë I kemi thënë të vijë që të tregojë kontratë të rregullt.
Unë skam bërë shkollë por nuk më gënjejnë dot! Duam drejtësi! Unë akoma punoj në rrënoja, a jeni dakort ju që tu dhurohet një shtëpi pa asnjë urdhër pa asgjë?
I jemi përgjigj shtetit një më një për taksat dhe unë kërkoj llogari. Djali i madh u ul në prag të derës duke qarë, është turp i madh! Ose të na marrin e të na pushkatojnë në breg të lumit, kanë ardh 1300 policë me 30 vetë në orën 4, sikur të ishin ato policët e Zogut në oborr tim. U kam kërkuar të paktën të merrja rrobat e brendshme, i mora në komshi. Nuk më lanë as për pensionin as për ilaçet, me nxorrën zvarrë, turp i madh!
Ku do shkojmë ne, 400 euro shtëpitë me qera?
Unë nuk do dal, do vdes në rrënoja!”, tha nënë Liza.
Në dëgjesën dedikuar shembjes së banesave, nënë Liza ka lexuar një letër të dhimbshme ku tregon reagimin brutal të policisë për ta nxjerrë nga shtëpia.
Nëna në letër thotë se nuk e kanë lejuar të ilaçet dhe “rrogat e vdekjes”, kurse kreu i IMT-së, Mariglen Qato sipas saj i është kthyer me një fjalor banal duke i thënë “do të marrësh leshtë”.
“Jam 78 vjeç, truallin e kam blerë në vitin 95’ dhe kemi ndërtuar dhe kemi paguar gjitha taksat, jemi në proces legalizimi që në 2006.
Ka 16 vite që na latë rrugëve, më datën 13 na dhanë urdhër që të lironim shtëpitë, një ditë më pas ne dërguam shkresë për anulimin e urdhrit, i jam drejtuar shkresë drejtorit të policisë, Gledis Nanos i kemi kërkuar pezullimin e prishjes. Më 19 janar në 5 mëngjesit më ka nxjerrë policia me dhunë dhe më është tërheq zvarrë, më keni të nxjerr jashtë rrogat ilaçet dhe gjitha, Mariglen Qato më tha “ke për të marrë leshtë”, pse u bë gjithë ajo luftë.
Përse u prish gjysma e shtëpisë unë aty po jetoj dhe do të jetoj deri sa të marr shtëpi të re. A pranoni ju një kontratë të tillë?”, shkruan e moshuara që i është prishur banesa.
