Armën me të cilën qëlloi për vdekje Lek Lekgjonajn, Florian Përvathi e kishte prej të paktën një viti. Kështu mësohet të ketë deklaruar adoleshenti para hetuesve të Lezhës, të cilët një ditë më parë morën dëshminë e tij.
Megjithatë 17-vjeçari nuk ka treguar se ku e ka siguruar këtë armë.
I riu, i cili të Hënën qëlloi për vdekje me 65-vjeçarin Lek Lekgjonaj duke marrë hakun e babait të tij nuk ka shfaqur pendesë para policisë.
Gjatë marrjes në pyetje ai u shfaq në gjendje të rënduar psikologjike, por jo i penduar. Ai nuk ka dhënë shpjegime për krimin e kryer, ndërsa këtë të Mërkurën pritet të dalë para gjykatës për vlerësimin e masës së sigurisë.
