Komisioni i Rithemelimit të PD në Shkodër ka depozituar emrat e kandidatëve, që do ti nënshtrohen votimit të anëtarësisë, në primaret e së dielës, ku më pas kandidati fitues do të përfaqësojë demokratët në garën për Bashkinë e Shkodrës, në zgjedhjet e pjesshme të 6 marsit.
Mes emrave të propozuar janë ish zv/ministri i Shëndetësisë Bardh Spahia, i cili nuk arriti të merrte mandatin e deputetit më 25 prill, ndërsa renditej i 7 në listën shumëemërore, si dhe Voltana Ademi, kryebashkiakja në detyrë.
Ndërkohë emrat e tjerë janë ato ish kryetarit të Bashkisë Lorenc Luka, ish deputeti Astrit Bushati, N/Kryetarja e PD Shkodër Irena Shestani, N/Kryetari i Bashkisë Shkodër Ardit Qylybyli.
Të gjithë kandidatët kanë depozituar dokumentat e kërkuara, bashkë me formularin TIP që iu ishte dorëzuar.
Mbetet për t’u parë se cili do të jetë qëndrimi që do të mbajë Lulzim Basha për garën e Shkodrës, nëse do të dalë me një emër të ndryshë nga Berisha, duke rrezikuar kështu humbjen e të vetmes bashki që është qeverisur në këto vite nga të djathtët.
Në zgjedhjet e 6 Marsit, qytetarët në 6 Bashki të vendit do të zgjedhin drejtuesit e tyre, duke filluar nga Shkodra, Vau i Dejës, Vora, Durrësi, Lushnja dhe Rrogozhina.
