Simon Simoni ka zënë katërkëndëshin e Dinamos dhe vështirë se do e lëshojë, kjo falë paraqitjeve të shkëlqyera të 17 vjeçarit. Gardiani i Bluve luajti kundër Tiranës ndeshjen numër katër në Superligë, teksa pësoi golin e parë.
Vetëm 17 vjeç, Simoni përfitoi nga dëmtimi i Harizaj dhe forma “jo” e Bakaj, duke merituar vendin mes shtyllave edhe falë paraqitjeve të mira. Tanimë për 17 vjeçarin e Kombëtares shqiptare suksesi është rrugës, ndërsa askush si ai në këtë moshë nuk e ka mbajtur portën pa prekur në 340 minuta.
Goli i Xhixhës solli humbjen e Dinamos me Tiranën 1-0, teksa Simoni pësoi kështu golin e parë në Superligë pas katër dueleve. Deri tani portieri i Bluve ka qenë deçiziv për të tijtë, duke treguar cilësi si e ardhmja e portës shqiptare.
