Emisioni investigativ ‘STOP’ ka bërë publik një tjetër skandal të madh që ka ndodhur në mes të Tiranës, ku një notere ka përvetësuar aratë e shitjes së një apartamenti, pasi ato nuk i ka derdhur në llogarinë e shitësit, por në llogarinë e saj personale.
Një zonjë e quajtur Drita Sula ka shitur një apartament 1 vit më parë në zonën e Yzberishtit në shifrën e 7.2 milionë lekëve të rinj, por që këtë shumë nuk e ka marrë asnjëherë.
Siç dihet ligjërisht në momentin që bëhet akti i shit-berjes së një prone, objekti apo çdo lloj gjëje tjetër noteri është rregullatori dhe siguria mes palëve, prandaj mbas kryerjes së aktit të shitjes, blerësi i kalon shumën përkohësisht në llogarinë bankare të noterit, e më pas në momentin që kryen të gjitha pocedurat ku letrat kalojnë nga emri i shitësit në atë të blerësit, ateerë noterja përmes aktit që vetë ka firmosur kalon paratë nga llogaria e saj ku i kishte marrë nën ruajtje, në llogarinë e shitësit.
Në rasti konkret noterja Rezarta Koçi paratë që kishte marrë nën ruajtje në llogarinë e saj të cilat në fund të të gjitha procedurave duhet t’i kalonte në llogari të Drita Sulës e cila është pala shitëse në rastin konkret, i ka tërhequr ato para për t’i përvetësuar.
Por skandali është edhe më i madh se kaq, pasi këtu është e përfshirë edhe OTP Bank, e cila ka lejuar që noterja Koçi të tërheqë paratë nga llogaria e saj, para të cilat duhet theksuar që janë derdhur në bankë me anë të një dokumenti ku vërtetohej se ato po përdoreshin për blerjen e një apartamenti.
Edhe pse gazetarët janë interesuar pranë OTP Bank për rastin, punonjësja nuk ju ka kthyer asnjë përgjigje, duke thënë se për këto raste duhet një përfaqësues ligjor.
Ndërkohë që pyetja ëqë lind ëhstë, po noteres Koçi si ja dha paratë OTP Bank, kur që në fillim këto para janë derdhur përmes një dokumenti ku vërtetohej shitja e një objekti, dhe ato dihej që do të qendronin në llogarinë e noteres përkohësisht asi më pas duhet të kalonin në llogarinë e shtitësit, sapo emri i pronës në hipotekë të kalonte në emër të blerësit.
OTP Bank mesa duket po luan me dy standarde, ku qytetari i kërkon përfaqësues ligjor për të marrë informacion se ku kanë përfunduar aratë e veta, ndërkohë që se ka patur aspak problem që t’ia japë noteres edhe pse ka patur një dokument ligjor se ato para janë përfitim i shitjes së një apartamenti.
