Dajan Shehi ishte një nga lojtarët e larguar nga Partizani gjatë kësaj merkato janari. Mbrojtësi u afrua në verë dhe ishte planifikuar si titullar, por me afrimin e Bitrit, mungesat e hapësirave u bënë edhe më të mëdha. Lojtari vendosi të ndërpriste kontratë me të kuqtë, ndërsa është bashkuar me Skënderbeun.
Për momentin nuk ka ende një njoftim zyrtar nga skuadra korçare, por ka qenë vetë Shehi që e ka zbuluar një gjë të tillë. 24-vjeçari ka postuar në rrjetet sociale një foto nga stadiumi Skënderbeu dhe kjo tregon se qendërmbrojtësi është bashkuar me korçarët në stërvitje.
