Pas fitores me rezultatin 1-2 ndaj Flamurtarit në Vlorë, e vlefshme për ndeshjen e parë të fazës çerekfinale të Kupës së Shqipërisë, në mikrofonat e “SuperSport” është shfaqur trajneri i Vllaznisë, Thomas Brdariç, i cili ka analizuar këtë sukses për ekipin shkodran:
“Flamurtari nuk është se është një ekip i thjeshtë, kemi dhe ndeshje në fundjavë me Kastriotin. E dinim që përpara ndeshjes që duhet të merrnim maksimumin.
Synimi i parë është vetëm fitorja, më pas dhe lojtarët duhet të tregojnë veten. Synimi i parë është që të kalojmë në raundin tjetër.
Ne jemi kampionët në fuqi të Kupës dhe me kohën shkon çdo gjë. Mendoj se e mbajtëm mirë ndeshjen sot, i thash lojtarëve se nuk ka rëndësi se cili shënon.
Ka dhe lojtarë që nisin nga stoli se kemi dhe ndeshje të tjera si Kastrioti në fundjavë.”, përfundoi Thomas Brdariç.
