Deri tani, 10 persona janë shoqëruar për dinamitin e vendosur në portën hyrëse të shtëpisë së kreut të FSHF-së, Armand Duka mbrëmjen e 24 janarit 2022
Flitet për 10 persona të shoqëruar në Drejtorinë e Policisë së Durrësit.
Kamerat e banesës kanë filmuar një djalë të ri me kapuç. Silueta e tij është fokusuar edhe nga kamera të tjera të sigurisë që janë vendosur në lagjen nr 4 të Durrësit.
Janë parë edhe kamerat e tjera përreth deri në bulevard ku dhe më pas ka humbur gjurmët djali me kapuç.
Policia e Durrësit pritet të dalë në një njoftim zyrtar dhe një burim thotë se ngjarja është afër zbardhjes.
Një nga pistat e hetimit është dhe përplasja me kryebashkiakun Veliaj për rikandidimin në krye të FSHF së Armando Dukës.
Ndërkohë ka nisur dhe verifikimi i mesazhet që ishte dërguar pak ditë më parë në telefonin e Dukës ku i shkruhej: “Ti luan me dy standard. Ti tallesh me lekët tona, për 24 orë jep dorëheqjen ose 60 plumba i ke në kokë se betimi u bë i pakthyeshëm.”
