Nga Boldnews.al
E gjithë fabula e Erion Veliajt ka vetëm një qëllim: të marrë ishullin e fundit nën oazin e pushtetit të Rilindjes. Beteja e hapur me kreun e FSHF-së Armand Duka ka kapërcyer çdo limit etik, moral apo ligjor, por ti kërkosh këto parime në pushtetin e Rilindjes, është një ecejake e pashpresë, pasi asnjë nga të trija nuk ka vend aty.
Pamja e vërtetë e Erion Veliajt ishte pikërisht në takimin me përfaqësues të sportit, ku i kishte mbledhur jo për tu shpjeguar “investimet bashkiake”, por për tua mbledhur të gjithëve që të votonin kandidatin e Rilindjes, e më pas ai do të zgjidhte kundërshtarin e Dukës. Veliaj shprehu fjalorin e tij, të një trapi lac, që nis me shprehjet: Kemi bolehekuri, nuk pyes për FIFA, UEFA, Jezus e Muhamed… Më tej shkon me fjalorin rrotë k… etj etj.
Nga na doli kaq trim, lac, me fjalor të fortësh, me gjuhë qelie burgu? Kush do ta besonte këtë djaloshin paqësor që malinjitetin e shpirtit e fshihte me aktrimin që bënte para kamerave? Ai ka të drejtë. Kryebashkiaku i Tiranës nuk ka koqe si gjithë të tjerët, i ka prej hekuri. Ja kanë hequr ato që ka pasur dhe i vendosën hekuri dhe ai “mburret” me ta, teksa i tringëllinjnë nën këmbë… Në atë audiopërgjim Veliaj ishte i vërteti. Po, ai është bolehekur. Prej kohësh ia ka salduar ustai i tij, Edi Rama.
Tashmë është koha që ta shfaqin pasi kanë rrëmbyer çdo institucion të varur e pavarur. Kullat në Tiranë nuk bëhen pa pasur topa hekuri nën këmbë, aferë të frikshme me inceneratorët nuk bëhen pa ia ndjerë tringellimën ndërsa përplasen me njëra-tjetrën. Veliaj nuk e ndërmori vetë këtë iniciativë, edhe në mos ia ketë kërkuar vetë Rama, ai është vëtëofruar. Jo për të rregulluar problemet me futbollin që vërtetë ka plot telashe, jo për të investuar për të rinjtë, sepse edhe ata pak fusha që ishin lali dhe vetë Rama i kthyen në trojë pallatesh dhe kullash që kanë zaptuar edhe qiellin.
Çështja është në tjetër vend. Duke u mësuar me çdo pushtet, përfshirë mbi të gjitha drejtësinë që e kanë kapur prej kohësh nga koq-et, edhe me dorën e zgjatur nga ndërkombëtarët, pushteti kërkon hapësirë. Adrenalina gjendet në ndonjë oaz që ka mbetur ende pa kontrollin e tyre. Veliaj doli vetë në krye të kamikazllëkut për hir të të madhit, por duke bërtitur se është “bolehekur” që nuk pëet për institucione ndërkombëtare të futbollit, madje as për perëndinë. Ai i tregoi edhe Ramës se ka forcë, ose të paktën kështu mendoi se ka krijuar pushtetin e tij ku paraja të bën të fortë.
Është e vështirë të gjendet një pamje e Veliajt me elemenë të krimit që paranë e kanë vendosur nga koburja e hekurt dhe aroma e narkotikëve. Megjithatë, kryebashkiaku i Tiranës mendon se ka ardhur koha që ai të mos shfaqet më si djaloshi i kudogjendur, që vesh kostumin e spidermanit. Tentoi ti futet edhe më thellë në analin shpirtëror të kryeministrit, duke u mburrur me topet prej hekuri, por nuk e kupton se edhe atë pjesë iluzive ia ka salduar vetë kryeministri, i cili këë radhë e nxorri në publik për tu tringëlluar, ashtu si kokrra e kandarit që lëviz para e pas shufrës së peshores.
