Lulzim Basha dhe stafi i tij me ekspertët ligjorë i janë drejtuar Gjykatës së Tiranës me një kërkesë, për të cilvn kanë marrë një vërtetim formal, jo më shumë se 7 rrjeshta, ku konfirmohet se Partia Demokratike është parti e regjistruar në regjistrin e partive. Gjithashtu në vërtetim thuhet se aktualisht Kryetari i kësaj partie është Lulzim Basha.
Ky vërtetim, i lëshuar me kërkesën e të interesuarit, në rastin konkret Lulzim Bashës, është depozituar më pas në KQZ, për të regjistruar Basha kandidatët e tij nën siglën e PD, si dhe për të propozuar emrat e komisionerëve për zgjedhjet e 6 marsit.
Pasi ka përfunduar me sukses këtë procedurë, dikush nga stafi i Bashës u kujdes që në orët e mbrëmjes, vërtetim e lëshuar nga sekretaria e Gjykatës, ta paraqesë si një vendim të Gjykatës, që njeh Lulzim Bashën si Kryetar.
Në fakt asnjë se kishte vënë në diskutim që në Gjykatë, Basha rezulton si Kryetar i PD, madje po të mos ndodhnin përplasjet në PD, ai nuk do të kishte depozituar në Gjykatë as Kuvendin e Korrikut 2021 bashkë me ndryshime statutore, dhe prapë do të ishte kryetar i partisë, nga e cila sot i ka mbetur vetëm zyra, selia, dhe disa prej të emëruarve.
